ПАНҶ. Дар доираи Соли шинохти бештари манфиатҳои миллӣ. Идомаи корҳои тарғиботиву ташвиқотӣ оид ба пешгирии бемории Коронавирус ва самаранок истифода бурдани заминҳои наздиҳавлигӣ дар ташкилоти ибтидоии “Заринкамар” бо усули “хона ба хона” чорабинии ҳизбӣ бо тақсимоти варақаҳои таблиғотӣ гузаронида шуд. Дар чорабинии ҳизбӣ аз ҷониби кормандони масъули Кумитаи иҷроияи ҲХДТ дар ноҳияи Панҷ таъкид карда шуд, ки ба таҳлука наафтида, ба ҳар хабару овозаҳои бардурӯғ бовар накунанд ва барои пешгирии беморӣ аз тавсияҳои табибон васеъ истифода бурда, худ ва наздиконро аз ҳама гуна бемориҳои сироятӣ ҳифз намоянд.
