ҚУБОДИЁН. Дар доираи Соли шинохти бештари манфиатҳои миллӣ. Дар маҳаллаи Миршикори Ҷамоати деҳоти ба номи Ишмурод Ниёзови ноҳияи Қубодиён бо усули “хона ба хона” ҷиҳати бештар маълумот пайдо намудани сокинон оид ба пешгирии бемории коронавирус чорабинии ҳизбӣ баргузор гардид. Аз ҷониби кормандони Кумитаи иҷроияи ҲХДТ дар ноҳияи Қубодиён корҳои фаҳмондадиҳӣ гузаронида шуда, ҳамзамон дар ин раванд, аз сокинон даъват ба амал оварда шуд, ки ба таҳлука наафтида, ба хотири таъмини зиндагии шоиста аз заминҳои наздиҳавлигии худ ва хоҷагиҳои ёрирасон ҳосилҳои дилхоҳ ба даст оварда, оилаи худро бо маводи озуқаворӣ таъмин созанд. Ба қоидаҳои беҳдошти саломатӣ тибқи тавсияҳои табибон риоя кунанд, то ин ки худ ва дигаронро аз бемории Коронавирус муҳофизат намоянд.
