ҲАМАДОНӢ. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Мир Сайид Алии Ҳамадонӣ бо мақсади пешгирии бемории сироятии коронавирус ва оқилона истифодабарии ҳар як ваҷаб қитъаи замин бо усули “хона ба хона” дар деҳаю маҳаллаҳо корҳои фаҳмондадиҳиро вусъат бахшида истодаанд.
Чунин чорабинӣ дар деҳаи Меҳрвари Ҷамоати деҳоти Чубек гузаронида шуда, дар он муовини раис- мудири шуъбаи ташкилии Кумитаи иҷроияи ҲХДТ дар ноҳия Раҳимҷон Шарипов ва вакили Маҷлиси вакилони халқи ноҳия Қандова Нигинамо иштирок ва суханронӣ карданд.
Шахсони масъул дар назди ҷамъомадагон оид ба риояи қоидаҳои беҳдошти саломатӣ, гигиенаи шахсӣ ва самараноку оқилона истифода бурдани ҳар як ваҷаб қитъаи замин суҳбат гузаронида, сокинонро барои меҳнати софдилона намудан даъват карданд. Сипас, ба ҳар як сокини деҳа варақаҳои иттилоотӣ барои пешгири бемориҳояи сироятӣ дастрас карда шуданд.
