КӮЛОБ. Дар доираи Солҳои таҳкими худшиносии миллӣ (2020-2021) Вобаста ба солимии аҳолӣ ва пешгирии бемории сироятии хавфноки коронавирус (COVID-19) ва истифодаи самараноки ҳар қитъаи замин аз ҷониби масъулини Кумитаи иҷроияи ҲХДТ дар шаҳри Кӯлоб дар ташкилоти ибтидоии “Маорифчиён” мулоқот доир карда шуд.
Саидов Умар мудири шуъбаи таблиғот, иттилоот ва таҳлили Кумитаи иҷроияи ҲХДТ дар шаҳри Кӯлоб дар назди иштирокдорон баромад намуда, ҷиҳати истифодаи самараноки заминҳои бекорхобида ва пешгирӣ аз бемориҳои сироятӣ бо ҳозирин тавсияҳо дод. Дар ин замина оид ба бемории коронавирус сухан карда, қайд намуд, ки ҳангоми баланд шудани ҳарорати бадан, дарди гулӯ, мушкилии нафаскашӣ ва ё дигар нишонаҳои бемории зуком ба худмуолиҷакунӣ роҳ надода, ҳатман ба духтурони оилавӣ муроҷиат намоянд.
