ҲАМАДОНӢ. Дар доираи Соли шинохти бештари манфиатҳои миллӣ. Бо мақсади пешгирии бемории коронавирус ва оқилона истифодабарии замин дар деҳаи Кодара- 2 чорабинии ҳизбӣ бо иштироки кормандони Кумитаи иҷроияи ҲХДТ дар ноҳияи Мир Сайид Алии Ҳамадонӣ бо усули “ хона ба хона ” баргузор гардид.
Зимни суҳбат мутахассиси шуъбаи таблиғот, иттилооти Кумитаи иҷроия Проштов Сино дар бораи риояи беҳдошти саломатӣ ва оқилона истифодабарии ҳар ваҷаб қитъаи замин бо мақсади таъмини амнияти озуқаворӣ суханронӣ карда, афзуд, ки моро зарур аст, маданияти баланди заминдориро риоя намуда, ҷиҳати истифодаи самараноку сарфакоронаи обу замин тадбирҳо андешем. Аз як қитъаи замин гирифтани на як- ду, балки се- чор ҳосил барои баланд бардоштани ҳосилнокии зироатҳо аз ҷумлаи масъалаҳои муҳими фаъолияти кишоварзон ба ҳисоб меравад.
