ПАНҶ. Дар доираи Соли шинохти бештари манфиатҳои миллӣ. Корҳои фаҳмондадиҳӣ бо иштироки гурӯҳи тарғиботии назди Кумитаи иҷроияи ҲХДТ дар ноҳияи Панҷ дар ташкилоти ибтидоии “Лоҳутӣ” бо усули “хона ба хона” роҳандозӣ гардида, ҳангоми тақсимоти варақаҳои иттилоотӣ аз ҷониби гурӯҳи корӣ таъкид карда шуд, ки татбиқи дастуру супоришҳои Пешвои миллат муҳтарам Эмомалӣ Раҳмон вазифаи ҳар як фарди худогоҳу ватандӯст саҳм гузоштан дар корҳои ободонию созандагӣ, ҳифзи солимии ҷомеа, оқилонаву самаранок истифода бурдани заминҳои корам буда, ҳар яки моро месазад, бо татбиқи сиёсати пешгирифтаи Роҳбари давлат зиндагии худ ва дигарон бо молу маҳсулоти тару тозаи кишоварзӣ таъмин созад.
