ЛЕВАКАНТ. Дар доираи Соли шинохти бештари манфиатҳои миллӣ. Ҷиҳати корҳои созандагӣ, тозагию ободонӣ, вусъатбахшии раванди кишту кори баҳорӣ дар маҳал, пешгирӣ аз бемориҳои сироятӣ кормандони Кумитаи ичроияи ХХДТ дар шаҳри Левакант дар Ҷамоати деҳоти Ваҳдат бо усули “хона ба хона” бо истиқоматкунандагон вохӯрӣ доир намуданд.
Масъулин дар суҳбат бо сокинон нисбати корҳои ободонии гирду атрофи хонаҳои истиқоматӣ, созандагӣ, дастовардҳои даврони соҳибистиқлолии кишвар, сафарбар намудани ҷавонон ба хизмати ҳарбӣ, риояи қонунҳои миллӣ, пешгирии касалиҳои сироятӣ, пешгирӣ аз фарҳанги бегона ва дигар мавзӯҳои мубрами рӯз андешаронӣ карда, даъват ба амал оварданд, ки ҳадафҳои созандаи ҲХДТ воқеан ҳам ба манфиати шаҳрвандон буда, моро лозим аст, баҳти татбиқи он талош варзем.
