КӮЛОБ. Дар доираи амалишавии Аксияи ҳизбии “Якҷоя ҳал мекунем!” Аз ҷониби ҳизбиёни шаҳри Кӯлоб ҷиҳати дастгирии шахсони ниёзманд иқдомҳои хайриявӣ роҳандозӣ шуда истодааст.
Яке аз аъзои фаъоли ҲХДТ раиси ташкилоти ибтидоии “Ганҷи дониш” дар асоси дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба қадрдонӣ намудани собиқадорони меҳнат ва фаъолзанон ба аёдати собиқадорони муассисаи давлатии “Китобхонаи оммавии вилояти Хатлон ба номи Садриддин Айнӣ” дар шаҳри Кӯлоб рафта, онҳоро бо туҳфаҳои шоиста қадрдонӣ намуд.
“Мо ҳамеша ба ин занону модарони меҳрубон ҳамчун қувваи бузурги ҷомеа бовариву эътимод дорем, зеро онҳо дар тарбияи фарзандони содиқи Ватан ва миллат, ободгарони кишвари азиз ва дигар иқдомҳои неку шоиста саҳмгузоранд”, афзуд дар суҳбат раиси ташкилоти ибтидоии “Ганҷи дониш” С.Обидов
