КӮЛОБ. Дар доираи Солҳои таҳкими худшиносии миллӣ (2020-2021) Дар асоси дастуру супоришҳои мақомотҳои болоии ҳизбӣ оид ба корҳои ободонию созандагӣ ва ҷиҳати риояи қоидаҳои санитарию гигиенӣ бо мақсади пешгирии касалиҳои сироятӣ кормандони Кумитаи иҷроия ҲХДТ дар шаҳри Кӯлоб дар ташкилоти ибтидоии “Лоиҳакаш” мулоқот доир намуда, аз ҳолати ҳуҷҷатгузории ташкилоти ибтидоӣ дидан намуданд.
Масъулин оид ба пешгирии бемориҳои сироятӣ суҳбат намуда, қайд карданд ки хушбахтона, дар Тоҷикистон ҳодисаи бемории коронавирус ба қайд гирифта нашудааст ва аз ҳар як сокини мамлакат даъват ба амал оварда мешавад, ки тавсияҳои табибонро риоя намоянд.
Дар ин росто доир ба самаранок истифода бурдани ҳар як ваҷаб заминҳои корам ба иштирокдорон тавсияҳо дода шуда, вохӯрӣ бо саволу ҷавоби иштирокдорон ба анҷом расид.
