БАЛҶУВОН. Дар доираи Соли шинохти бештари манфиатҳои миллӣ. Беҳуда нагуфтаанд, ки маориф коргоҳи инсонсоз аст ва мавқеи омӯзгорон дар ҷомеа хеле баланд буда, дар тарбияи насли наврас ҳиссаи басо муҳим ва арзнда мегузоранд.
Дар ҷамъомади соҳаи маориф, ки дар он сарварону омӯзгорони муассисаҳои таълимии ноҳия иштирок доштанд, намояндагони ҳизбӣ дар бораи пешгирии бемории короновирус ва самаранок истифода намудани заминҳои наздиҳавлигӣ ва Президентӣ ибрози андеша намуда, қайд карданд, ки омӯзгорон, ки имрӯз саҳми назаррас дар ҷамъият доранд бояд дар якҷоягӣ баҳри иҷрои яке аз ҳадафҳои стратегии Тоҷикистон -таъмини амнияти озуқавории кишвар талош варзида, баҳри татбиқи дастуру супоришҳои Роҳбари давлат муҳтарам Эмомалӣ Раҳмон саҳми арзандаи хешро гузоранд.
