ДАНҒАРА. Дар доираи Соли шинохти бештари манфиатҳои миллӣ. Кумитаи иҷроияи Ҳизби Халқии Демократии Тоҷикистон дар ноҳияи Данғара дастуру супоришҳои Раиси муаззами ҲХДТ муҳтарам Эмомалӣ Раҳмонро дар якҷоягӣ бо Мақомоти иҷроияи ҳокимияти давлатии ноҳия ба инобат гирифта, гурӯҳи корӣ ташкил карда, дар ташкилотҳои ибтидоии “Маҳаллаи №7 ва 8”-и ҷамоати шаҳраки Данғара корҳои таблиғотию тарғиботиро бо усули “хона ба хона” миёни аҳолӣ доир карданд, ки аз натиљаи корҳои фаҳмондадиҳӣ сокинон ба худ маълумоти бештар гирифтанд. Дар рафти чорабинӣ таъкид карда шуд, ки риояи гигиенаи шахсӣ, истеъмоли хӯрокҳои ғизонок ва тозаву озода нигоҳ доштани манзили зист яке аз роҳҳои муҳим барои пешгирӣ аз ҳар гуна бемориҳои сироятӣ, аз љумла коронавирус мебошад. Инчунин, дар бораи истифодаи оқилонаи заминҳои наздиҳавлигӣ, президентӣ, хољагиҳои ёрирасон андешаронӣ карда шуда, аз сокинон даъват ба амал оварда шуд, ки заминҳои бекорхобидаро самаранок истифода намуда, зиндагии худро аз маҳсулоти кишоварзӣ таъмин намоянд.
