БАЛҶУВОН. Дар доираи Соли шинохти бештари манфиатҳои миллӣ. Баҳри пешгирӣ аз бемориҳои сироятӣ, аз ҷумла бемории короновирус ва баланд бардоштани фарҳанги ҷаҳонбинию дониши хонандагон дар муассисаи таҳсилоти миёнаи умумии №4-и ноҳияи Балҷувон бо иштироки кормандони Кумитаи иҷроия мулоқоти судманд баргузор гардид.
Бояд гуфт, ки ҳангоми суҳбат миёни хонандагон аз ҷониби масъулин иброз гардид, ки беҳтарин воситаи пешгирӣ ва гирифтор нашудан ба ин беморӣ, риояи тарзи ҳаёти солим аст. Ҳамчунин қайд карда шуд, ки ҳар як нафарро мебояд, ба гигенаи шахсӣ диққати аввалиндараҷа диҳад, то худ ва дигаронро аз сироятёбӣ ба бемориҳои сироятӣ муҳофизат намояд. Инчунин, гуфта шуд, ки ҷавонон воқеан ояндаи давлату миллат ба ҳисоб мераванд, бояд аз тамоми донишҳои замони муосири худ бохабар буда, дар пешравии ҷомеа ва солимии миллату давлат нақши беназири худро гузоранд.
