Н.ХУСРАВ. Дар доираи Соли шинохти бештари манфиатҳои миллӣ. Кумитаи иҷроияи ҲХДТ дар ноҳияи Носири Хусрав бо мақсади сазовор истиқбол намудани ҷашни 30- солагии Истиқлолияти давлатии Ҷумҳурии Тоҷикистон дар доираи Аксияи ҳизбии “Якҷоя ҳал мекунем!” корҳои ободонию созандагиро ба роҳ монда, барои боз ҳам беҳтар намудани шароити зиндагии сокинон дар ростои «Соли шинохти бештари манфиатҳои миллӣ» бо иштироки васеи сокинони ҷамоати шаҳраки Баҳор роҳи маҳаллаи навбунёди Давлатобод дар масофаи 1,5 км сангфарш карда шуд. Тамоми хароҷот, аз ҷумла хизматрасонии техникӣ аз ҳисоби вакилони Ҷамоати деҳоти Фирӯза маблағгузорӣ гардида, сокинон дастаҷаъмона роҳро тахту ҳамвор намуда, мушкилоти ҷойдоштаро ҳал карданд.
