Н.ХУСРАВ. Дар доираи Соли шинохти бештари манфиатҳои миллӣ. Бо мақсади ба мардум фаҳмонидани хатару оқибатҳои бемории коронавирус гурӯҳи кории Кумитаи иҷроияи ҲХДТ дар ноҳияи Носири Хусрав бо сокинони деҳаи Арабхонаи Ҷамоати деҳоти Истиқлол чорабинии ҳизбӣ баргузор намуданд.
Зимнан масъулин бо усули «хона ба хона» оид ба пешгирӣ аз ин бемории сироятӣ варақаҳои таблиғотиро ба сокинон дастрас карда, қайд намуданд, ки саломатии мо дар дасти худи мост, барои ин пеш аз ҳама ба қоидаҳои беҳдошти оила, пушидани ниқобҳои тиббӣ, шустани дастон бо собун ва дигар қоидаҳои гигиенаи шахсӣро ҳатман риоя намоед.