КӮЛОБ. Дар доираи Соли шинохти бештари манфиатҳои миллӣ. Дар ташкилоти ибтидоии “Беморхонаи пӯст” вохӯрӣ атрофи пешгирии бемории коронавирус ва раванди санҷиши ҳуҷҷатнигории ҳизбӣ аз тарафи масъулини Кумитаи иҷроияи ҲХДТ дар шаҳри Кӯлоб доир карда шуд.
Зимни санҷиш муайян карда шуд, ки ҳуҷҷатгузорӣ дар ин ташкилоти ибтидоӣ дар сатҳи хуб ба роҳ монда шуда, ҳуҷҷатҳои ҳизбӣ ба ҷуздонҳои алоҳида тартиб дода шудаанд.
Инчунин, аз иштирокдорон даъват ба амал оварда шуд, ки тавсияҳои Созмони умумиҷаҳонии Беҳдоштро оид ба пешгирии ин беморӣ риоя намуда, худ ва низдиконашонро аз сироятёбии бемории коронавирус муҳофизат намоянд.
