ЁВОН. Дар доираи Соли шинохти бештари манфиатҳои миллӣ. Дар ташкилоти ибтидоии “Гармоба”-и деҳаи Сарқамиши Ҷамоати деҳоти ба номи Гулсара Юсуповаи ноҳияи Ёвон оид ба истиқболи сазовори ҷашни 30- солагии Истиқлолияти давлатии Ҷумҳурии Тоҷикистон корҳои ободонию созандагӣ бо маром идома дорад.
Дар ин роҳи созандагиву бунёдкорӣ ба хотири ин санаи фархунда ҳар як маҳалдор ба ҳашари дастаҷамъона баромада, ободиро аз хонаи худ оғоз намудаанд.
Ин навбат дар доираи қисмати амалии Аксияи ҳизбӣ таҳти унвони “Якҷоя ҳал мекунем!” мардуми деҳа ба ҳашар баромада, як гӯшаи деҳаи хешро обод намуданд.
намояндагони Кумитаи иҷроияи ҲХДТ дар ноҳия амали навбатии мардуми ноҳияро шоистаи омӯзиш ва мояи нангу номуси ватандорӣ арзёбӣ карда, ба ҳар як саҳмдору саҳмгузор изҳори ташаккур намуданд.
