ШАҲРИТУЗ. Дар доираи Соли шинохти бештари манфиатҳои миллӣ. Бо мақсади амалигардонии дастуру ҳидоятҳои Пешвои миллат муҳтарам Эмомалӣ Раҳмон баҳри дастгирии оилаҳои ниёзманди ҷомеа, ки яке аз фазилатҳои неки инсонӣ ба ҳисоб меравад, ятимони кулл ва шахсони яккаву танҳо дар доираи Аксияи ҳизбии “Якҷоя ҳал мекунем!” бо ибтикори Кумитаи иҷроияи ҲХДТ дар ноҳияи Шаҳритуз ва дастгирии узви фаъоли ҲХДТ, раиси маҳаллаи деҳаи Лолазор 2 -и ҷамоати деҳоти ба номи Талбак Садриддинови ноҳияи Шаҳритуз Назаров Шодмон ба ятимони кулл Бобохонов Отаёр, Абиров Файзидин ва Сиярова Ҳадиса, ки дар парастории Тайлонова Бибисалима қарор доранд, як миқдор маводҳои ғизоӣ кумак расонида шуд. Иқдоми нек аз љониби шахсони эҳтиёљманд бо руҳбаландӣ пазируфта шуда, онҳо миннатдории хешро аз Раиси муаззами ҲХДТ муҳтарам Эмомалӣ Раҳмон ва шахсони саховатманд баён доштанд.
