НОРАК. Дар доираи Соли шинохти бештари манфиатҳои миллӣ. Субҳи барвақт мардуми деҳаи Даҳанаи Ҷамоати деҳоти Дӯконии шаҳри Норак дар якҷоягӣ бо кормандони Кумитаи иҷроияи ҲХДТ дар шаҳри Норак бахшида ба ҷашни байналмилалии Наврӯз ба ҳашари умумӣ баромаданд.
Дар рафти корҳои тозагиву ободонӣ мардуми шарафманди деҳаи Даҳана гузаргоҳҳо ва ҷӯйборҳои деҳаро аз партовҳо тоза намуданд. Бояд тазаккур дод, ки дар рафти Аксияи ҳизбии “Якҷоя ҳал мекунем!” ҷавонон бо як ҳисси баланди ватандӯстӣ, садоқат ба Ватан ва баҳри боз ҳам зебо гаштани деҳаи худ саҳми босазои худро гузоштанд.