ХОВАЛИНГ. Дар доираи Соли шинохти бештари манфиатҳои миллӣ. Иҷлосияи якуми Маҷлиси вакилони халқи ноҳияи Ховалинг баргузор гардид, ки дар кори он дар баробари вакилон роҳбарони ташкилоту муассисаҳо низ иштирок доштанд.
Бояд зикр намуд, ки аз шумораи 33 вакили Маҷлиси вакилони халқи ноҳия 31 нафараш аз Ҳизби Халқии Демократии Тоҷикистон пешбарӣ карда шудааст.
Баъди тасдиқи ваколати вакилон ба онҳо аз тарафи раиси Маҷлиси вакилони халқи ноҳия Акрамзода Парвиз Акрам ва раиси Кумитаи иҷроияи ҲХДТ дар ноҳияи Ховалинг Халилзода Сафар Хоҷа нишон ва шаҳодатномаҳои вакилӣ супорида шуд.
Дар иҷлосия Дастури Маҷлиси вакилони халқи ноҳия, комиссияҳои доимии Маҷлиси вакилони халқи ноҳия ва комиссияҳои назди Мақомоти иҷроияи ҳокимияти давлатии ноҳия, раис ва аъзои комиссияҳои доимии Маҷлиси вакилони халқи ноҳия, интихоби намояндагон барои иштирок дар иҷлосияи якҷояи Маҷлиси вакилони халқи вилояти Хатлон дида баромада шуда, аз рӯи онҳо қарорҳои дахлдор қабул карда шуданд
