КӮЛОБ. Дар доираи Соли шинохти бештари манфиатҳои миллӣ. Бо мақсади шарҳу тавзеҳи Паёми Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон ба Маҷлиси Олӣ, инчунин вобаста ба муаррифӣ намудани Барномаи ҲХДТ барои солҳои 2020-2025 дар ташкилоти ибтидоии “Нақлиёти минтақа” вохӯрӣ баргузор гардид.
Дар маҷлис намояндагони ҳизбӣ баромад карда, таъкид намуданд, ки Паём дастурамали муккамалест аз ҳадафҳои олии кишвар, ки ба ҳар як шаҳрванд роҳнамои асосии зиндагӣ мебошад.
Инчунин, дар рафти маҷлис котиби ташкилоти ибтидоии мазкур оид ба самтҳои афзалиятноки Паёми Президенти кишвар ба Маҷлиси Олии Ҷумҳурии Тоҷикистон ва Барномаи Ҳизби Халқии Демократии Тоҷикистон суханронӣ намуд.
Дар охир иштирокдорон оид ба мушкилоту камбудиҳои ҷойдоштаи соҳа, муваффақиятҳои меҳнатӣ ва таваҷҷуҳи самимии роҳбарияти Олии кишвар ба ин соҳа изҳори ақида намуданд.
