КӮЛОБ. Дар доираи Соли шинохти бештари манфиатҳои миллӣ. Дар доираи чорабиниҳои Кумитаи иҷроияи ҲХДТ дар шаҳри Кӯлоб барои дарёфти “Ҷоми ҲХДТ” дар муассисаи таҳсилоти миёнаи умумии №22 мусобиқаи шоҳмот баргузор гардид.
Дар ин чорабинии варзишӣ, дӯстдорони бозии шоҳмот аз ташкилотҳои ибтидоии ҳизбӣ ҷамъ омада, дар ин мусобиқа ҷавонону наврасон бо завқи баланд бозӣ карда, маҳорати худро нишон доданд.
Ғолиби мусобиқа Қурбонов Саид хонандаи муассисаи таълимии мазкур ба қайд гирифта шуда, шоҳмот бозии писандидаи ӯ буда, аз хурдӣ ба ин намуди варзиш шавқи беандоза дорад. Мусобиқаи мазкур дар дигар муассисаҳои таҳсилоти миёнаи умумии шаҳр баргузор гардида, дар моҳи май дар арафаи “Рӯзи ҷавонон” ҷамъбаст карда мешавад.
