ЛЕВАКАНТ. Дар доираи Соли шинохти бештари манфиатҳои миллӣ. Бо ташабуси намояндагии ТҶҶ «Созандагони Ватан»-и шаҳри Левакант бахшида ба Наврӯзи байналмилалӣ ва 30-солагии Истиқлолияти давлатии Ҷумҳурии Точикистон дар Литсейи кассбӣ саноатӣ кимиёӣ бо чалби зиёди донишҷӯён Аксияи тарғиботӣ-амалӣ таҳти шиори «Якҷоя ҳал мекунем!» баргузор гардид.
Дар Аксияи ҳизбӣ аъзои намояндагии ТҶҶ «Созандагони Ватан» бо як ҳисси баланди атандӯстӣ, садоқат ба Ватан ва баҳри боз ҳам тозаю озода нигоҳ доштани муҳити шаҳр корҳои созандагию бунёдкорӣ, аз ҷумла нарму мулоим кардани заминҳои кишт, шинонидани дарахтони мевадиҳанда ва ҳамешасабз саҳми босазои худро гузоштанд. Чунин ташаббусу иқдомҳои неку созанда аз ҷониби аъзои намояндагии ТҶҶ «Созандагони Ватан»дар ҳудуди шаҳри Левакант пайваста роҳандозӣ карда мешавад.
