ЁВОН. Дар доираи Соли шинохти бештари манфиатҳои миллӣ. Бо мақсади тарғиби сиёсати ҳамаҷонибаи ҲХДТ, иштироки фаъолона дар ҳаёти сиёсии кишвар дар ташкилоти ибтидоии “Чаманзор”-и Ҷамоати деҳоти Даҳана бо иштироки васеи аҳолӣ вохӯрӣ баргузор гардид.
Дар мулоқот намояндагони ҳизбӣ оид ба самтҳои афзалиятноки Паёми навбатии Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, роҳандозӣ намудани корҳои соандагиву бунёдкорӣ, тарбияи дурусти фарзандон, истиқболи сазовори ҷашни 30-солагии Истиқлолияти давлатӣ, иштирок дар чорабиниҳои сатҳи гуногун, хондан ва мутолиаи китобҳои бадеӣ андешаронӣ намуда, таъкид карданд, ки татбиқи сиёсати хирадмандонаи Роҳбари давлат вазифаи ҷонии ҳар як шаҳрвандӣ бедордил буда, моро зарур аст барои амалигардонии дастуру супоришҳои аз Паём бароянда кӯшиш ба харҷ диҳем.
