Вилоят. Бо мақсади иҷрои дастуру супоришҳои муовини якуми Раиси муаззами ҲХДТ, ки дар ҷамъбасти Ситоди марказии пешазинтихоботии ҳизбӣ санаи 10-уми марти соли равон ироа доштанд, ҷаласаи назди раиси Кумитаи иҷроияи ҲХДТ дар вилояти Хатлон баргузор гашт. Раиси Кумитаи иҷроия Миралиён Қиёмиддин Абдусалимзода вобаста ба вусъат бахшидани раванди корҳои ободониву созандагӣ ба хотири сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон, ташкили ҳашарҳои дастаҷамъона бо ҷалби фаъолон, аъзо ва ҷонибдорони ҲХДТ ва дигар чорабиниҳои оммавӣ дар арафаи Наврӯзи байналмилалӣ, мусоидат дар ҳалли проблемаҳои маҳал, рушди инфрасохтори сайёҳӣ, эҳёи ҳунарҳои мардумӣ, сафарбаркунии ҷавонон ба сафи Қувваҳои мусаллаҳи кишвар, пешгирии амалҳои номатлуб ва ҳалли дигар масъалаҳои дохилиҳизбиро баррасӣ намуда, ба масъулин як қатор дастуру супоришҳои мушаххас дод.
