ХУРОСОН. Дар доираи Соли шинохти бештари манфиатҳои миллӣ. Бо иштироки кормандони масъули Кумитаи иҷроияи ҲХДТ дар ноҳияи Хуросон дар ташкилоти ибтидоии “Лолазор”-и ҷамоати деҳоти Ҳилолӣ оидба тарғибу ташвиқии Барномаи ҲХДТ барои солҳои 2020-2025 ва шарҳу тавзеҳи самтҳои афзалиятноки Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон хониши сиёсӣ доир гардид.
Дар мулоқот намояндагони ҳизбӣ дар назди ҳозирин дар бораи Барномаи ҲХДТ ҳарф зада, қайд намуданд, ки ҲХДТ таҳти шиори “Барои пешрафт ва зиндагии шоистаи мардум” дар панҷ соли оянда дар доираи Барномаи худ, ки таҳкими амнияту оромӣ, рушди иқтисодию иҷтимоӣ, фарҳангӣ ва шароити зиндагии шоистаи шаҳрвандонро аз ҳадафҳои олии худ медонад, амал мекунад. Ҳамчунин, дар идома Паёми имсола шарҳ дода шуда, иброз гардид, ки Паёми Президенти мамлакат пеш аз ҳама дастури кории ҳар як мақомоти давлатӣ ва ҳар як шаҳрванди ҷумҳурӣ буда, ҳар яки моро зарур аст, ҷиҳати татбиқи дастуру супоришҳои аз Паём бароянда талош варзем, то ин ки Тоҷикистони азизро бо амалҳои созанда аз ин ҳам дида ободтару зеботар гардонем.
