БАЛҶУВОН. Дар доираи Соли шинохти бештари манфиатҳои миллӣ. Ҷиҳати таблиғу ташвиқи Барномаи ҲХДТ барои солҳои 2020-2025 ва Паёми Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар ташкилоти ибтидоии “Боғи Ҳабиб”-и Ҷамоати деҳоти Сари Хосори ноҳияи Балҷувон вохӯрии судманд доир карда шуд.
Дар суҳбат раиси Кумитаи иҷроияи ҲХДТ дар ноҳияи Балҷувон оид ба мазмуну муҳтавои Паёми Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар, Барномаи ҲХДТ ва самтҳои афзалиятноки фаъолияти ҲХДТ баромад намуда, қайд кард, ки ҳар як фарди бо нангу ори Ватанро лозим аст, ки дар татбиқи сиёсати пешгирифтаи Пешвои миллат, дастуру супоришҳои Роҳбари давлат, ки аз Паёми имсола бармеоянд, саҳмгузор бошад ва бо амалҳои созанда дар пешрафти Тоҷикистони маҳбубамон ҳиссагузорӣ намояд.
