Н.ХУСРАВ. Дар доираи Соли шинохти бештари манфиатҳои миллӣ. Дар ташкилоти ибтидоии деҳаи Корвон ҷамоати деҳоти Наврӯз дар участкаи интихоботии № 28 ноҳияи Носири Хусрав вохӯрии номзад ба вакилии Маҷлиси вакилони ноҳия бо интихобкунандагони деҳа баргузор гардид.
Масъулини Кумитаи иҷроия ба интихобкунандагон муҳтаво ва шаҳру тавзеҳи Паёми Президенти Ҷумҳурии Тоҷикистон ба маҷлиси Олии Ҷумҳурии Тоҷикистон ва Барномаи пешазинтихоботии ҲХДТ ва номзадҳои он ба интихобкунандагони участкаи интихоботии № 28 дар ростои «Соли шинохти бештари манфиатҳои миллӣ»-ро ҳаматарафа фаҳмонида дода қайд намуданд, ки Паёми Президенти Ҷумҳурии Тоҷикистон муҳтарам Эмомалӣ Раҳмон барои пешрафти иқтисодӣ, иҷтимои, илмию фарҳангӣ ва таъмини амнияту субот дар Ватани азизамон ба сифати як роҳнамо ва дастурест барои амалӣ намудани масъалаҳои муҳими ҷомеа.
Қайд намуданд, ки имрӯзҳо мо дар арафаи баргузори маъракаи муҳими сиёсӣ интихоботи Маҷлиси Олӣ ва Маҷлисҳои маҳалли вакилони халқ қарор дорем. То баргузори интихобот рӯзҳои ба шумор мондааст. Дар Паёми худ Пешвои миллат қайд намуданд, ки интихоби вакилони Маҷлиси намояндагони Мачлиси Олӣ, вакилони маҷлисҳои маҳаллӣ ва ҷамоатҳо ҳуқуқи иститсноии интихобкунандагон мебошад. Ҳар як шаҳрванди кишвар ба хотири рушду ободии фардои мамлакат ва осоиши наслҳои оянда фарҳанги баланди сиёсӣ, ҳисси ватандӯстӣ ва масъулиятшиносӣ дар интихобот иштирок намуда, овози худро ба тарафдории номзади арзанда диҳад.
