ЁВОН. Дар доираи Соли шинохти бештари манфиатҳои миллӣ. То интихобот ҳамагӣ 3 рӯз боқӣ мондааст ва интихобкунандагон барои иштирок дар интихобот ва муайян намудани вакили арзандаи хеш талош варзида истодаанд. Дар ҳар як деҳаву маҳаллаҳои ҳудуди ноҳияи Ёвон мутобиқи ҷойгиршавии аҳолӣ участкаҳои интихоботӣ созмон дода шудааст, ки интихобкунандагон бо истифода аз рӯзҳои офтобии фасли зимистон гирду атрофи участкаҳоро сар карда аз хонаи худ ободу зебо намуда истодаанд.
Дар вохӯрие, ки дар ташкилоти ибтидоии “Хоҷҷақамбар”-и Ҷамоати деҳоти ба номи Гулсара Юсуфова баргузор гардид, намояндагони ҳизбӣ мардумро даъват ба он намуданд, ки дар ҳаёти сиёсии кишвар бетараф набуда, ба корҳои созандагию бунёдкорӣ даст дошта бошанд ва то тавонанд ҷашни 30- солагии Истиқлолияти давлатиро бо дастовардҳои арзандаи меҳнатӣ истиқбол намоянд.
