ЁВОН. Дар доираи Соли шинохти бештари манфиатҳои миллӣ. Бо мақсади тарғиби сиёсати ҳамаҷонибаи ҲХДТ, иштироки фаъолона дар ҳаёти сиёсии кишвар бо иштироки гурӯҳи таблиғотии Ситоди Марказии Кумитаи Иҷроияи Марказии ҲХДТ вохӯрӣ баргузор гардид.
Дар вохӯрӣ иҷрокунандаи вазифаи раиси ноҳияи Ёвон, узви Кумитаи Иҷроияи Марказии ҲХДТ Саидзода Ҷамшед Ҳамро, аъзои ситод, номзадҳои ҲХДТ ба вакилии Маҷлиси намояндагони Маҷлиси Олии Ҷумҳурии Тоҷикистон, Маҷлиси вакилони халқи вилояти Хатлон ва ноҳияи Ёвон иштирок доштанд.
Саидзода Ҷамшед Ҳамро аъзои Ситоди марказӣ ва Ситодҳои Ҷамоатҳои шаҳраку деҳотро ба он водор намуд, ки дар давраи маъракаи интихоботи навбатии вакилон ҷиддан омода бошанд ва миёни мардум корҳои таблиғотиро пурзӯр намоянд.
Дар ҳузури аъзо ва ҷонибдорони ҲХДТ номзадҳои ҲХДТ ба Маҷлиси намояндагони Маҷлиси Олӣ ва Маҷлисҳои вакилони халқ суханронӣ намуданд.
