АНДЕША. Ман барои он ба тарафдории Ҳизби Халқии Демократии Тоҷикистон овоз медиҳам, ки ба ин Ҳизб боварӣ дорам. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарварии ин Ҳизбро ба ӯҳда доранд.
Барномаи пешазинтихоботии Ҳизби Халқии Демократии Тоҷикистонро, ки бо қарори Анҷумани XIII – уми Ҳизби Халқии Демократии Тоҷикистон №7 аз 13 – уми декабри соли 2019 тасдиқ шудааст, мутолиа карда баромадам.
Дар Барнома ҳама самтҳои муҳимтарини рушди мамлакат дар бар гирифта шудааст. Ҳизби Халқии Демократии Тоҷикистон зери шиори “Барои пешрафт ва зиндагии шоистаи мардум” садоқати худро ба арзишҳои умумимиллии соҳибихитёрӣ, демократӣ, баробарҳуқуқӣ ва ошкорбаёнӣ изҳор карда, барои пешрафти ҳамаҷонибаи Тоҷикистон тамоми тадбирҳои имконпазирро ба назар гирифтааст.
Таърих гувоҳ аст, ки дар тӯли солҳои мавҷудияташ Ҳизби Халқии Демократии Тоҷикистон дар рушду нумӯи Тоҷикистони соҳибистиқлол, ободу зебо гардидани кишвари азизамон ҳиссаи калон дошта, мардуми Тоҷикистон ба қудрату тавоноии Ҳизби Халқии Демократии Тоҷикистон боварӣ доранд.
Ҳамаи ҳамватанонро даъват мекунам, ки рӯзи интихобот ба тарафдории Ҳизби Халқии Демократии Тоҷикистон овоз диҳанд.
Алихонова Бибинисо – номзад ба вакилии Маҷлиси вакилони халқи ноҳияи Темурмалик.
