ХУРОСОН. Дар доираи соли шинохти бештари манфиатҳои миллӣ. Бо иштироки кормандони масъули Кумитаи иҷроияи ҲХДТ дар ноҳияи Хуросон дар ташкилоти ибтидоии “20-солагии Истиқлолият”-и ҷамоати деҳоти Фахробод оид ба муаррифии Барномаи пешазинтихоботии ҲХДТ барои солҳои 2020-2025, номзадҳои он ва шарҳу тавзеҳи Паёми навбатӣ хониши сиёсӣ доир гардид.
Дар мулоқот масъулин вобаста ба Барномаи пешазинтихоботии ҲХДТ барои солҳои 2020-2025 ва номзадҳои он ҳарф зада, аз ҷумла, қайд намуданд, ки ҲХДТ таҳти шиори “Барои пешрафт ва зиндагии шоистаи мардум” дар панҷ соли оянда дар доираи Барномаи худ, ки таҳкими амнияту оромӣ, рушди иқтисодию иҷтимоӣ, фарҳангӣ ва шароити зиндагии шоистаи шаҳрвандонро аз ҳадафҳои олии худ медонад, амал мекунад. Инчунин,дар ин раванд Паёми Президенти мамлакат шарҳ дода шуда, иброз гардид, ки Паёми имсола пеш аз ҳама дастури кории ҳар як мақомоти давлатӣ ва ҳар як шаҳрванди ҷумҳурӣ мебошад, бинобар ин моро зарур аст ҷиҳати амалӣ намудани он талош варзем.
