ФАРХОР. Дар доираи соли шинохти бештари манфиатҳои миллӣ. Дар доираи «Соли шинохти бештари манфиатҳои миллӣ» ва тарғиби Барномаи пешазинтихоботии ҲХДТ барои солҳои 2020 - 2025 кормандони масъули Кумитаи иҷроияи ҲХДТ дар ноҳияи Фархор дар ташкилоти ибтидоии «Шараф»-и Ҷамоати деҳоти Дарқад хониши сиёсӣ баргузор намуданд.
Дар мулоқот масъулин баромад намуда, иброз доштанд, ки Барномаи ҳар ҳизб муаррифгари ҳадафу мақсад ва муайянкунандаи самти роҳест, ки ҷомеаро мехоҳад аз пушташ ба он самт барад. Маҳз бар ҳамин поя ҷомеа тасмим мегирад бо кӣ ва чи мақсаду ҳадаф ба куҷо равад. Ҳизби Халқии Демократии Тоҷикистон таҳти сарварии Президенти Ҷумҳурии Тоҷикистон муҳтарам Эмомалӣ Раҳмон дар тӯли 25 сол собит сохт, ки метавонад ҷомеаро атрофи ғояҳои созандагиву бунёдкорӣ муттаҳид намуда, бо амалӣ гардонидани барномаҳои мушаххас халқи тоҷикро ба пеш, ба сӯи қуллаи мурод муваффақона раҳнамоӣ кунад.
