ҶАЙҲУН. Дар доираи Соли шинохти бештари манфиатҳои миллӣ. Ситоди пешазинтихоботии Кумитаи иҷроияи ҲХДТ дар ноҳияи Ҷайҳун дар ҳамбастагӣ бо Ситоди пешазинтихоботии Кумитаи иҷроияи ҳизби ноҳияи Панҷ бо мақсади таблиғу ташвиқи Паём ва Барномаи ҲХДТ дар Ҷамоати деҳоти Намунаи ноҳияи Панҷ бо иштироки номзад ба вакили Маҷлиси намояндагони Маҷлиси Олии Ҷумҳурии Тоҷикистон Шарофзода Гавҳар аз ҳавзаи интихоботии Ҷайҳун № 33, вакили худпешбар ба Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии Ҷайҳун № 33 Латифзода Хушрафтор ва Ҳасанзода Тағоймурод раиси Кумитаи иҷроияи ҲХДТ дар ноҳияи Ҷайҳун бо сокинон суҳбату вохӯрӣ ва шиносоӣ бо номзадҳо доир гардид.
Дар ҷараёни суҳбат нуктаҳои асосии Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, Барномаи пешазинтихоботии номзад аз ҲХДТ барои солҳои 2020 – 2025, Барномаи ҲХДТ барои солҳои 2020 – 2025 ва дигар самтҳои афзалиятноки фаъолияти ҳизбӣ аз ҷониби вакил ва шахсони масъули ҳизбӣ суханронӣ карда шуд. Дар суханронӣ оид ба ироаи Паём Ҳасанзода Тағоймурод баромад намуда, қайд кард, ки Паёми навбатии Пешвои миллат ҳамаи самтҳоро дар бар гирифта, барои пешравии илму техника, маориф, соҳаи тандурустӣ, фарҳанг, иқтисодиёт ва дигар самтҳо равона гардидааст. Дар идомаи суҳбат номзад Шарофзода Гавҳар бо мардум дар бораи барномааш сухан гуфта, ҳар як қисми онро шарҳу тавзеҳ дод.
