ЁВОН. Дар доираи Соли шинохти бештари манфиатҳои миллӣ. Бо мақсади тарғиби сиёсати ҳамаҷонибаи ҲХДТ, иштироки фаъолона дар ҳаёти сиёсии кишвар ҷаласаи Ситоди навбатии Кумита Иҷроияи Марказии ҲХДТ дар деҳоти Навкорами Ҷамоати деҳоти ба номи Гулсара Юсуфова баргузор гардид.
Дар вохӯрӣ аз ҷониби масъулини Ситод оид ба самтҳои муҳими Барномаи пешазинтихоботии ҲХДТ дар давраи солҳои 2020-2025 андешаронӣ намуда, номзадҳои ҲХДТ-ро барои мардум муаррифӣ карданд. Дар рафти ҷаласаи Ситод қайд карда шуд, ки мо бояд дар рафти маъракаи интихоботи навбатии вакилон ба Маҷлиси намояндагони Маҷлиси Олии Ҷумҳурии Тоҷикистон ва вакилони Маҷлисҳои маҳаллӣ куллан омада бошем ва саъй намоем, ки беҳтаринҳо ва шахсони лоиқу арзанда вакили мардумӣ интихоб шуда, давоми панҷ соли вакилӣ хизмати халқу Ватанро содиқона адо намоянд.
