МУЪМИНОБОД. Дар доираи Соли шинохти бештари манфиатҳои миллӣ. Бо мақсади шарҳу тавзеҳи ҳадафҳои барномавии ҲХДТ дар ташкилоти ибтидоии кӯчаи «С.Айнӣ»-и ҷамоати шаҳраки Муъминобод вохӯрӣ доир карда шуд.
Дар мулоқот намояндагони ҳизбӣ атрофи самтҳои муҳими Паёми Пешвои миллат муҳтарам Эмомалӣ Раҳмон ва вобаста ба маъракаҳои муҳими сиёсии дарпешистода, Барномаи пешазинтихоботии ҲХДТ андешаронӣ карда, зикр намуданд, ки маъракаи муҳими сиёсии интихоботи парлумонӣ ва маҷлисҳои маҳаллии масъулияти баланди сиёсиро тақозо карда, ҳар як шаҳрванди ватандӯстро водор месозад, ки барои ояндаи босаодат ва шукуфоии Ватан дар рӯзи интихобот фаъолона ширкат намоянд ва ба номзадҳои арзанда овоз диҳад. Дар охир ҷамъомадагон мулоқоти мазкурро ҳамаҷониба дастгирӣ карда, зикр намуданд, ки баҳри пойдории сулҳу суботи кишвар ва зиндагии шоситаи шаҳрвандон талош хоҳанд варзид.
