ҶАЙҲУН. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Ҷайҳун бо мақсади таблиғу ташвиқи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, Барномаи пешазинтихоботии ҲХДТ барои солҳои 2020-2025 дар ташкилоти ибтидоии ҳизбии «Сулҳобод» бо интихобкунандагон вохӯрӣ баргузор карданд.
Ташкилкунандагони чорабинӣ оид ба масоили болозикр муфассал суханронӣ намуда, аз ҷумла қайд намуданд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар яке аз суханрониҳояшон ба аҳли ҷамоатчигии кишвар таъкид дошта буданд: «Ҷиҳати паст намудани шиддати омилҳои коррупсионӣ зарур аст, ки иштироки боз ҳам фаъолтари ҷомеаи шаҳрвандӣ дар ин самт таъмин гардида, нисбат ба амалҳои коррупсионӣ фазои воқеан оштинопазир фароҳам оварда шавад».
Масъулон таъкид доштанд, ки бар зидди ин зуҳуроти номатлуб муборизаро қавӣ намуда, дар таъсиси мафкураи зиддикорупсионӣ дар миёни аҳолӣ бояд саҳми арзандаи хешро гузорем.
