ТЕМУРМАЛИК. Дар доираи Соли шинохти бештари манфиатҳои миллӣ. Вобаста ба таблиғу ташвиқи Барномаи ҲХДТ ва номзадҳои ҳизб ба вакилии Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ вохӯрии кормандони Кумитаи иҷроияи ҲХДТ дар ноҳияи Темурмалик бо ҳизбиёни ташкилоти ибтидоии "Қиблаӣ” баргузор гардид.
Масъулини кумитаи иҷроияи мазкур Паёми навбатии Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олиро ба иштирокдорон шарҳ доданд.
Дар идома нисбати хусусиятҳое, ки ба вазъи кунунии рушди ҷомеаи ҷаҳонӣ ва минтақа, марҳилаи муосири рушди давлатдорӣ, инчунин, натиҷагирӣ аз татбиқи сиёсати пешгирифтаи Ҳукумати ҷумҳурӣ робитаи зич дошта, дар заминаи таҳлилҳои амиқи иқтисодию иҷтимоӣ ва сиёсию фарҳангӣ ташаккул дода шудаанд, ибрози сухан карданд.
