КӮШОНИЁН. Дар доираи Соли шинохти бештари манфиатҳои миллӣ. Дар Ҷамоати деҳоти Меҳнатободи ноҳияи Кӯшониён мулоқоти номзад аз ҳавзаи якмандатии Кӯшониён №27, номзадҳо ба Маҷлиси вакилони халқи вилояти Хатлон, номзадҳо ба Маҷлиси вакилони халқи ноҳияи Кӯшониён ва шахсони боэътимоди онҳо баргузор шуд.
Дар вохӯрӣ номзадҳо Абдусаломзода Мунаввар раиси Кумитаи иҷроияи ҲХДТ дар ноҳияи Кӯшониён, Шодиён Муҳаммад Султонзода номзад аз ҳавзаи якмандатии Кӯшониён №27 ва шахсони боэътимоди онҳо ширкат варзиданд. Шахсони боэтимоди номзадҳо ҳолнома ва барномаҳои пешазинтихоботии номзадҳоро, ки аз Барномаи пешазинтихоботии Ҳизби Халқии Демократии Тоҷикистон барои солҳои 2020-2025 сарчашма мегирад, ба дарки интихобкунандагон расониданд. Дар охири суҳбати рӯ ба рӯи номзадҳо бо интихобкунандгон сурат гирифта, интихобкунандагон пешниҳодҳои худро доир ба масъалаҳои ҳалталаб баён доштанд.
