МУЪМИНОБОД. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Муъминобод ҷиҳати шарҳи Паёми Пешвои миллат ва Барномаи пешазинтихоботии ҲХДТ дар ташкилоти ибтидоии “Муассисаи манзилию коммуналӣ” вохӯрӣ баргузор намуданд.
Дар маҷлис роҳбарияти Кумитаи иҷроия вобаста ба самтҳои Паёми навбатӣ ва Барномаи пешазинтихоботии ҲХДТ баромад намуда, иброз дошт, ки Барномаи пешазинтихоботии ҲХДТ аз ҳадафҳои ососии барномавии ҳизб сарчашма гирифта, ҳамчун ҳуҷҷати раҳнамо барои расидан ба онҳо вазифаи ҳар як узви ҳизбро ҷиҳати рушди иқтисодиёт ва беҳбудии ҳаёти иҷтимоӣ, сиёсӣ ва фарҳангии кишвар муайян менамояд.
Инчунин, дар идома иброз гардид, ки ҷавонон насли ояндасози Тоҷикистон, нерӯи пешбарандаи ҷомеа, иқтидори воқеии пешрафти давлат ва ояндаи миллат маҳсуб меёбанд.
