ДАНҒАРА. Дар ростои Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Данғара бо мақсади таблиғу ташвиқи Барномаи пешазинтихоботии ҲХДТ ва номзадҳои он дар ташкилоти ибтидоии деҳаи “Калкот”-и ҷамоати деҳоти Себистон хониши сиёсӣ баргузор намуданд.
Дар мулоқот масъулин оид ба нуктаҳои асосии Паёми навбатии Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон баромад намуда, иброз доштанд, ки Паёми имсолаи Пешвои миллат дар таърихи Тоҷикистони соҳибистиқлол бо дастоварду пешравиҳои ноилшудаи халқамон бо ҳарфҳои зеррин сабт мегардад. Сипас, дар ин раванд моҳияти Барномаи пешазинтихоботии ҲХДТ мавриди омӯзиш қарор дода шуда, сокинон барои иштироки фаъолона дар маъракаи муҳими сиёсӣ интихоботи вакилони Маҷлиси намояндагони Маҷлиси Олии Ҷумҳурии Тоҷтикистон даъват карданд.
