ҶАЙҲУН. Дар доираи Соли шинохти бештари манфиатҳои миллӣ. Бо иштироки кормандони Кумитаи иҷроияи ҲХДТ дар ноҳияи Ҷайҳун вобаста ба таблиғу ташвиқи Паём ва Барномаи пешазинтихоботии ҲХДТ дар ташкилоти ибтидоии “Хирманҷо”-и Ҷамоати деҳоти Қумсангир бо иштироки номзад ба вакили Маҷлиси намояндагони Маҷлиси Олии Ҷумҳурии Тоҷикистон Шарофзода Гавҳар аз ҳавзаи интихоботии “Ҷайҳун №33” ва Ҳасанзода Тағоймурод раиси Кумитаи иҷроия бо сокинон суҳбату вохӯрӣ ва шиносоӣ бо номзад доир гардид.
Дар ҷараёни суҳбату вохӯриҳо оид ба нуктаҳои асосии Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, Барномаи пешазинтихоботии номзад аз ҲХДТ барои солҳои 2020- 2025, Барномаи ҲХДТ барои солҳои 2020 - 2025 ва дигар самтҳои афзалиятноки фаъолияти ҲХДТ суханронӣ карда шуда, қайд гардид, ки Паёми навбатии Пешвои миллат ҳамаи самтҳоро дар бар гирифта, барои пешравии илму техника, маориф, соҳаи тандурустӣ, фарҳанг, иқтисодиёт ва дигар самтҳо равона гардидааст. Дар идомаи суҳбат номзад Шарофзода Гавҳар бо мардум дар бораи барномааш корҳои фаҳмондадиҳӣ гузаронида, ҳар як қисми онро шарҳу тавзеҳ дод.
