Ҷ.БАЛХӢ. Дар доираи Соли шинохти бештари манфиатҳои миллӣ.
Дар ташкилоти ибтидоии “Салтанат”-и ноҳияи Ҷалолиддини Балхӣ бо мақсади шарҳу тавзеҳи нуктаҳои асосии Паёми Президенти Ҷумҳурии Тоҷикистон ба Маҷлиси Олии кишвар ва тарғибу ташвиқи Барномаи пешазинтихобии ҲХДТ вохӯрӣ доир карда шуд.
Зимни мулоқот масъулин иброз дошанд, ки тавре қайд гардид, Паёми навбатии Сарвари давлат фарогири тамоми масъалаҳои мубрами рӯз буда, бо дарназардошти протсесҳои ҷаҳонишавӣ ва вазъи сиёсиву иқтисодӣ дар манотиқи дигари ҷаҳон ва нигоҳи вокеъбинона ба самтҳои асосии сиёсати иқтисодию иҷтимоии давлату Ҳукумат муфассал баён гардидааст. Паёми имсоларо метавон ҳамчун як раҳнамо истифода бурд, зеро масоиле, ки дар он махсусан қайд карда шудаанд, саривақтӣ буда, ҳаллу фасли онҳо барои пойдории давлат ва зиндагии шоиста барои ҳар тоҷику тоҷикистонӣ муҳиму созанда хоҳад буд.
