ТЕМУРМАЛИК. Дар доираи соли шинохти бештари манфиатҳои миллӣ. Кормандони масъули Кумитаи иҷроияи ҲХДТ, аъзои гурӯҳи таблиғотӣ дар ноҳияи Темурмалик бо ҳизбиёни ташкилоти ибтидоии “Беморхонаи Ватан” бо мақсади таблиғу ташвиқи Барномаи ҲХДТ ва номзадҳои ҲХДТ ба Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ вохӯрӣ баргузор карданд.
Масъулини кумитаи иҷроия муҳтавои Паёми навбатии Асосгузори сулҳу ваҳдати миллӣ–Пешвои миллат муҳтарам Эмомалӣ Раҳмонро ба иштирокдорон шарҳ доданд.
Зимнан таъкид карданд, ки мо саноатикунонии босуръатро ҳамчун ҳадафи чаҳоруми стратегии кишвар қабул кардаем, зеро рушди саноат барои таъмин намудани устувории иқтисодиёт, ташкили ҷойҳои нави корӣ, баланд бардоштани иқтидори содиротии мамлакат ва рақобатнокии он замина мегузорад.
