Н.ХУСРАВ. Дар доираи Соли шинохти бештари манфиатҳои миллӣ. Бо дастгирии номзади пешбаришудаи Маҷлиси вакилони халқи ноҳияи Носири Хусрав аз ҳавзаи интихоботии № 5 дар партави Аксияи ҳизбӣ таҳти унвони «Якҷоя ҳал мекунем!» ба сокини деҳаи Фирӯзаи Ҷамоати деҳоти Фирӯза аз оилаи эҳтиёҷманд, маъюби дараҷаи 1-ум Азаматов Ашӯр барои шишабандӣ ва ба тартиб даровардани хонаи истиқоматиаш ба маблағи зиёда аз 400 сомонӣ кӯмак расонида шуд.
Чунин иқдомҳои нек дар асоси дастуру супоришҳои Раиси муаззами ҲХДТ муҳтарам Эмомалӣ Раҳмон бо ҷалби фаъолон, аъзо ва ҷонибдорони ҲХДТ, аз ҷумла шахсони хайрхоҳу саховатманд ва вакилони мардумӣ пайваста роҳандозӣ гардида, шахсони ниёзманди ҷомеа аз ин иқдомҳо ҳамеша бархӯрдоркарда мешаванд.
