ШАҲРИТУЗ. Дар доираи Соли шинохти бештари манфиатҳои миллӣ. Бо максади бо мардум аз наздик суҳбат намудан дар самти 25 соли фаъолияти пурсамари ҲХДТ, таъмини волоияти қонун, Ваҳдати миллӣ ва истиқлолияти комили давлатии Тоҷикистон вохӯрии номзад ба вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ, аъзои Ситоди Кумитаи иҷроияи Марказии ҲХДТ Назаров Файзалӣ Насруллоевич ва номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатаи интихоботии «Қубодиён №31» Файзуллозода Зафар Хайрулло баргузор гардид. Номзадҳои ҲХДТ бо намояндагони табақаҳои гуногуни аҳолӣ, аз ҷумла фаъолони Ҷамоати шаҳраки Шаҳритузи ноҳияи Шаҳритуз, ба номи Талбак Садриддинов ва Ҷамоати деҳоти ба номи Худойназар Холматов суҳбат намуда, ҳозиринро бо тарҷумаи ҳол, бо ҳадафу барномаҳои пешазинтихоботии худ ва ҳизбе, ки онҳоро пешбарӣ намудааст, шинос намуданд.
