ФАРХОР. Дар доираи Соли шинохти бештари манфиатҳои миллӣ. Кормандони масъули Кумитаи иҷроияи ҲХДТ дар ноҳияи Фархор дар ташкилоти ибтидоии Ҷамоати деҳоти «Ғайрат» вобаста ба шарҳу тавзеҳи Барномаи пешазинтихоботии ҲХДТ дарои солҳои 2020 -2025 хониши сиёсӣ баргузор намуданд.
Дар мулоқот масъулин дар назди ҳозирин баромад намуда, ёдовар шуданд, ки натиҷаи таҳлилҳои муқоисавӣ нишон медиҳад, ки иштироки фаъолонаи шаҳрвандон дар маъракаҳои интихоботӣ дар давлатҳое бештар ба назар мерасад, ки сокинони он аз сатҳи олии маърифати ҳуқуқӣ ва сиёсӣ бархӯрдоранд, яъне қонунгузории интихоботии кишвари худро хеле хуб медонанд, дар хусуси номзадҳо иттилои кофӣ ба даст меоранд, дарк менамоянд, ки ормонҳо ва ғояҳои сиёсиашон тавассути фаъолияти сиёсии кадом номзад ва ё ҳизби сиёсӣ татбиқ мегарданд ва дар ниҳоят раъйи худро ба ҷонибдории эшон изҳор медоранд.
