ДАНҒАРА. Дар доираи Соли шинохти бештари манфиатҳои миллӣ. Бо иштироки намояндагони Кумитаи иҷроияи ҲХДТ дар ноҳияи Данғара бо мақсади таблиғу ташвиқи Барномаи пешазинтихоботии ҲХДТ ва номзадҳои он ба Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ дар ҳудуди участкаҳои интихоботии ноҳияи Данғара дар деҳаи Чортут вохӯрӣ баргузор гардид.
Дар ҷараёни суҳбат масъулин оид ба ироаи Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, “ Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, тарбияи насли наврасу ҷавон дар рӯҳияи ватандӯстӣ, ифтихори баланди миллӣ ва хештаншиносӣ андешаронӣ карда, сокинонро барои интихоби дурусти номзадҳои арзанда ва содиқу вафодори Ватан раҳнамоӣ карданд.
