ДАНҒАРА. Дар доираи Соли шинохти бештари манфиатҳои миллӣ. Гурӯҳи кории Кумитаи иҷроияи ҲХДТ дар ноҳияи Данғара дар ташкилоти ибтидоии деҳаи “Сангтӯда”-и ҷамоати деҳоти Сангтӯдаи ноҳияи Данғара оид ба Паёми Пешвои миллат муҳтарам Эмомалӣ Раҳмон ва ҷиҳати таблиғу ташвиқи Барномаи пешазинтихоботии ҲХДТ бо интихобкунандагон вохӯрӣ доир намуданд.
Дар ҷамъомад номзад ба вакилии Маҷлиси Олии Ҷумҳурии Тоҷикистон Абдулхолиқзода Лутфия Абдулхолиқ, роҳбарияти Кумитаи иҷроия ва дигар шахсони даъватӣ иштирок дошта, оид ба Паёми навбатӣ миёни мардум баромад намуда, аз ҷамъомадагонро ҷиҳати иштироки фаъолона дар рӯзи интихобот ва иҷрои дастуру супоришҳои Пешвои миллат баҳри рушду тараққиёти кишвар ҳидоят намуданд.
