ВОСЕЪ. Дар доираи Соли шинохти бештари манфиатҳои миллӣ. Ҷиҳати таблиғу ташвиқи Барномаи пешазинтихоботии ҲХДТ ва муҳтавои Паёми Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар деӽаи Элмурод Хоҷаеви ҷамоати деӽоти ба номи Миралӣ Маӽмадалиеви ноҳияи Восеъ бо иштироки намояндагони ҳизбӣ мулоқот баргузор гардид.
Зимнан масъулин қайд карданд, ки Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон чун як анъанаи роиҷ ва самтбахшандаи тамоми соҳаҳои хоҷагии халқи ҷумҳурӣ ба сифати роҳнамо барои тамоми сокинони кишвар арзишу аҳамият дорад. Халқ ва миллат низ ҳамсони як оилаанд, ки Пешвову роҳбари он низоми зиндагияшонро таъмин менамояд. Оилаи тифоқе, ки ба гуфтаҳои роҳбари оқили оила амал менамояд, ҳамеша дар байни ҷомеа нуфузу эътибор дорад. Тоҷикистон низ ҳамсони як оилаи намуна дар байни дигар кишварҳои ҷаҳон бо иттифоқивуу ваҳдати худ соҳибобрӯст. Зеро халқи тоҷик бо роҳнамоии Пешвои худ дар фазои сулҳу осоиштагӣ зиндагии бомаром дорад.
