БОХТАР. Дар доираи Соли шинохти бештари манфиатҳои миллӣ. Дар ташкилоти ибтидоии “Бонки миллӣ” оид ба тарғибу ташвиқи Барномаи пешазинтихоботии ҲХДТ ва номзадҳои он бо иштироки кормандони Кумитаи иҷроияи ҲХДТ дар шаҳри Бохтар вохӯрии ҳизбӣ доир шуд.
Зимни баромад таъкид шуд, ки Барномаи пешазинтихоботии ҲХДТ барои солҳои 2010-2020 барнома амали Ҳукумати мамлакат дар ин давра эътироф гардида, бо мақсади ҳарчи бештар фаро гирифтани кӯдакон ба таълиму тарбияи томактабӣ, инкишоф додани зинаи таҳсилоти томактабӣ аз ҳисоби давлат, ташкилотҳои ғайридавлатӣ, оилавӣ, шахсони эҳсонкор, таъсиси шаклҳои алтерантивии муассисаҳои томактабӣ, таъмини муссисаҳои мазкур бо маводи таълимӣ ва таҷҳизоти муосир тадбирҳои доимиву муассир андешида истодааст. Тайи панҷ соли охир дар як қатор муассисаҳои таълимӣ марказҳои таълимиву истеҳсолӣ таъсис дода шуда, бо таҷҳизоти зарурӣ муҷаҳҳаз гардонида шудааст.
